Blog daw

hi nice, visit mine at….

 just dropping by, visit naman my site its www…

hi, comment naman kayo sa blog ko…yada…yada…

Pamilyar ba yan sa iyo? Minsan kapag nagbablog-hopping ka, di mo maiwasan maka-encounter ng mga ganitong nilalang. Makikita mo silang magcocomment pero anlayo naman dun sa topic na sinulat mo ang pinagsasabi nila. gusto lang talaga magpapansin. Pakalat-kalat sila sa blogosperya.

May natyempuhan pa nga akong isa,”hi please see my blog…yada..yada…” Nauto naman ako ni kumag. Silip ako sa blog nya. Putsa! Puro pictures lang pala. Walang nakasulat. Kung meron man e wala ring kwenta. Pwe! Puro Nonsense ang nakalagay. Parang gusto lang yata ipangalandakan na cute at pogi siya kaya siya gumawa ng blog-blogan nya kuno. Sinipat ko ang mga pictures. Hindi naman kapogian ang hindot pero kung pumosing, daig pa sumali sa Mr. Pogi. Eto yung mga tipo ng mga taong ang akala eh nakukuha lang sa papogian ang lahat ng bagay sa balat ng lupa. Puro porma. Eto yung tinatawag ni Bob Ong na Hollow Man.feeling. hehe.

Yung iba naman magpopost sa comment pero para lang mag-invite sa site nila. Garapalan pa,” visit my site…yada…yada..” yan agad ang pambungad ng mga hindot. Mga bastush at walang ethics pagdating sa blogging. Kala mo sila lang bida sa balat ng blogosperya at sila lang ang dapat pansinin. Wala naman problema kung gusto mong ipromote ang site mo dahil lahat naman ng naguumpisa sa blogging eh dumadaan sa ganyan pero magbigay respeto naman dun sa blog na dinaanan mo. Mag “tabi-tabi po” ka naman. Pano na lang pala kung engkanto pala may-ari nung blog, eh di katakot-takot na bukol at kulugo na pala ang inabot mo. Baka tubuan ka pa ng buntot, sige ka.

Masarap para sa isang blogger ang malaman nya na may nagbabasa sa kanyang sinulat, gaano man kahaba yan. Kaya kapag pagbukas mo ng pc kinabukasan at makita mong may nagcomment sa topic na ginawa mo, para kang nasa alapaap. Kahit mag-isa lang yung comment na yun, feeling mo ginto yun kasi nalaman mong may nakarelate dun sa kwento mo. Ibig sabihin kasi nun eh pinagtyagaan talagang basahin yung sinulat mo, na pinaghirapan mo din isulat. Hansarap talaga ng feeling.

Tapos maya-maya, may bubulaga sayong makabagbag-damdamin, dramatic at beri wonderpuli executed na comment na ganito,”Nice! visit my blog and please comment na rin po…yada..yada” Pakingsyet na hindot na yan. At nagrequest pa na magcomment ka daw. Inutusan ka pa eh noh?

Tip ko lang sa mga bagong blogger, wag na lang kayo magcomment kung nonsense din naman sasabihin nyo. Kung gusto nyong makilala, matuto kayong makisama sa mga ibang blogger at hindi lang sa inyo umiikot ang mundo. Make sure na basahin mo ang kwento ng iba bago mo ipagpilitan na basahin din ng iba ang kwento mo. Be patient kung gusto mong makilala. It takes time. Basta enjoy ka sa ginagawa mong pagsusulat, walang problema kahit konti pa lang taga-basa mo. Enjoy na lang da adbentyur. just show respect. that’s it.

PS. wag kalimutan makipagkulitan. sarap magkaroon ng bagong friends. hehe